Disa mënyra sesi mund të gjeneroni klientë të rinj nëpërmjet internetit.
Në ditët e sotme zhvillimi i biznesit në internet ka avantazhet dhe disavatazhet e veta përsa i përket tërheqjes së klientëve të rinj. Disa nga pengesat që zakonisht bizneset hasin online janë: konkurrenca e lartë, vizibiliteti në motorrët e kërkimit, kostot e larta të reklamave, etj.
Por pavarësisht këtyre pyetja që na shoqëron gjithmonë është:
Si mund të gjenerojmë klientë të rinj?
1. Rekomandimet
Rekomandimet janë mënyra më e mirë për të gjeneruar klientë të rinj. Përgjatë punës/projekteve tuaja kërkoni rekomandime të herë pas hershme nga klientët dhe bashkëpuntorët tuaj dhe këto rekomandimi i pasqyroni në web, social media dhe kudo tjetër online. Shpesh herë, klientët e kënaqur kanë qëllimet më të mira dhe do t’ju rekomandojnë me kënaqësi kur të shfaqet situata. Por jo në çdo rast klientët janë të vëmendshëm për të dhënë rekomandime, ndaj ju duhet të jeni të vëmendshëm për t’ja rikujtuar herë pas here por jo në mënyrë të bezdisur. Mos harroni rekomandimet janë reklama me kosto 0.
2. Sponsorizime në social media
Një tjetër mënyrë efektive dhe me kosto relativisht të ulët janë sponsorizimet në social media si: facebook, instagram, etj. Sponsorizimet zakonisht realizohen për të promovuar oferta të veçanta, produkte, shërbime apo dhe kompaninë në tërësi. Por për të rritur më tepër interesin ndaj rekalamave tuaja ofrojini klientëve një zgjidhje problemi sesa një ofertë.
3. Networku personal
Netowrk mund të duket si një mënyrë e vjetër e gjenerimit të biznesit, por mund të jetë efektive, edhe në botën dixhitale në të cilën jetojmë. Kjo sepse shpesh mund të jetë shumë më e lehtë të krijoni një lidhje personale me dikë kur takoheni ballë për ballë.
Vlerësoni të gjitha kontaktet tuaja që mund të keni pasur përgjatë viteve në takime si: seminare, trajnime, konferenca, dreka, udhëtime, etj. Kjo metodë e marketingut e cila ka në foksu shfrytëzimin e marrëdhënieve personale për të rritur biznesin tuaj fuksionon shumë mirë.
4. Ofroni zgjidhje problemi
Një ndër gabimet e shumta që shumica e kompanive bëjnë është sepse thjesht ofrojnë produkte/shërbim pa u interesuar më tepër për klientin. Në ditët e sotme tregu është aq i madh dhe dinamik sa që për një shërbim/produkt mund të gjesh disa oferta të ndryshme. Në këto kushte klienti e ka fare të lehtë për të mos ju zgjedhur ju apo për t’ju ndërruar me një kompani tjetër. Ajo çka ne këshillojmë është se kompanitë mbi të gjitha duhet të ofrojnë zgjidhje të problemeve të klientëve dhe pas kësaj klienti do të jetë i lumtur të marrë shërbimin që ju ofroni. Nisur nga eksperienca jonë, ne jemi të fokusuar të zgjidhjet e problemeve sesa tek ‘ofertat fiktive’ që qarkullojnë në internet. Ky është një sukses dhe avantazh që klientët vlerësojnë tek ne.
Email Marketing
Email marketing ndoshta është një ndër metodat tradicionale të marketingut por ka ende shumë vlerë. Marketingu me emaili është një mundësi e mirë për të gjeneruar klientë të rinj kjo vetëm në ato raste ku ju klientit sërish i ofroni një zgjidhje përpara sesa t’i ofroni një shërbim. E thënë ndryshme ju mund të dërgoni një propozim për t’i bërë një raport/analytics lidhur me webin e x kompanie falas. Pas dërgimit të raportit ju mund t’i propozoni dhe klientit zgjidhjet e nevojshme, të cilat mund të jenë: përmirësimi i shpejtësisës së hapjes/shfletimit të webit, përmirësimi i SEO-s, etj. Kjo është një tjetër mënyrë efektive për t’jua afruar klientëve të rinj dhe duke reduktuar % e refuzimit.
Këto janë vetëm disa nga mënyrat sesi mund të gjeneroni klientë të rinj në mënyrë efektive. Për më tepër ju ftojmë të na ndiqni në artikullin e radhës ose në rrjetet tona sociale.
Share on facebook
Share on linkedin
Share on twitter
